Mga pagbabagong nakaaapekto sa aking sakay
Alamin kung paano maaaring makaapekto sa iyong paparating na biyahe ang mga pagbabago sa serbisyo.
Talaan ng Nilalaman
- Mga pagbabagong nakaaapekto sa aking sakay
- Mga planadong pagkaantala ng serbisyo
- Pag-navigate sa mga pagkaantala ng serbisyo
- Mga pagbabago sa serbisyo
Mga pagbabagong nakaaapekto sa aking sakay
Mga pagbabago sa taglagas ng 2024
Sa Agosto 30, magbubukas ang 1 Line sa Shoreline, Mountlake Terrace, at Lynnwood
- Magbubukas ng 4 na bagong estasyon at 8.5 milya ng bagong track sa hilaga ng Northgate Station.
Isang flat na pamasahe sa Link
- Magiging flat na $3 ang pamasahe sa Link light rail para sa taong nasa hustong gulang, kahit ano pa ang ibiniyaheng distansiya.
- Ang mga One Regional Card for All (ORCA, Card na Isang Panrehiyong Card para sa Lahat) ang pinakamadaling paraan ng pagbabayad: mag-tap lang! May mga pamasaheng binawasan ng $1.
- Libre ang sakay ng kabataan (18 pababa, hindi kailangan ng ORCA card)
- Alamin pa ang tungkol sa aming paglipat sa mga flat na pamasahe.
SYMPHONY STATION
- Papalitan ng Symphony Station ang pangalan ng University Street Station sa kabayanan ng Seattle. Babawasan nito ang bilang ng mga pangalan ng estasyon na may salitang “university (pamantasan),” upang maging mas malinaw, mapadali ang paghahanap ng daan, at maitampok ang kalapit na Benaroya Hall kung saan matatagpuan ang Seattle Symphony.
Mga code ng estasyon
- Upang gawing mas accessible ang nabigasyon, ang mga pictogram ng estasyon ay papalitan ng tatlong digit na code ng estasyon sa 1 Line.
Pagbabago sa Serbisyo sa Taglagas
- Sa Setyembre 14, maraming bus ng ST Express ang iruruta sa bagong Lynnwood City Center Station. Pagaganahin ang isang bagong ruta sa 515 mula sa Lynnwood hanggang sa kabayanan ng Seattle. Patuloy na paaandarin ang 510 mula sa Everett hanggang sa kabayanan ng Seattle.
- Magkakaroon ng mga karagdagang biyahe ang Sounder N Line na may bagong iskedyul. Nagbibigay ang linyang ito ng direktang serbisyo sa pagitan ng Everett, Mukilteo, Edmonds, at Downtown Seattle.
Susunod na pahina
Mga pagbabagong nakaaapekto sa aking sakay
Ang Sound Transit ang nagpapaandar at nagmamantene sa Link light rail, Sounder, at nagbibigay ng express na serbisyo ng bus sa buong rehiyon ng Puget Sound. Upang makapag-alok ng dekalidad na serbisyo sa mga pasahero, naninindigan ang Sound Transit sa tuloy-tuloy na pagmamantene at regular na pagsasaayos sa serbisyo upang mapanatili itong nakaayon sa pangangailangan ng mga pasahero. Maaaring pana-panahong makaapekto ang mga ganitong aktibidad sa kasalukuyang serbisyo, kaya makibalita sa mga ito at sa iba pang mga pagbabago kapag nagpabalik-balik nang regular, o mag-sign up para sa mga alerto upang maabisuhan tungkol sa mga pagbabagong nakaaapekto sa iyong sakay, sa text o email.
Ang ORCA ang pinakamadaling paraan upang bayaran ang iyong pamasahe
Awtomatikong kinakalkula ang mga paglipat, hindi kailangang magbayad nang eksakto at malawakan itong tinatanggap, mula sa light rail hanggang sa mga ferry.